25 қаңтарда AMANAT партиясының Қостанай аудандық филиалы мен колледждің студенттік Парламенті Қостанай ауыл шаруашылығы колледжі студенттерінің қатысуымен “Рухтастар Cases” диалог алаңын ұйымдастырды.

Кездесу қонақтары ретінде гір спортынан спорт шебері және ұлттық құраманың мүшесі, Азия чемпионы, әлем чемпионы және ҚР спорт шебері Данияр Сәлімжанұлы Кункубаев, белбеудегі күрестен Қазақстан чемпионы, 2 халықаралық турнирдің қола жүлдегері Қанғаш Илья Анатольевич қатысты.

Олар жастарға өздерінің спорттық мансаптары туралы, жеңістер мен жеңілістер туралы, спорттың адам өміріндегі маңыздылығы туралы айтып, студенттерді өзін-өзі дамытуға, жеке өсу үшін кез-келген мүмкіндікті пайдалануға шақырды. Іс-шара соңында мұндай кездесулерді тұрақты негізде өткізу туралы шешім қабылданды.