Қазақстан Республикасының мемлекеттік рәміздері күні – бұл тәуелсіз Қазақстанымыздың қолжетімділігі мен құндылығын насихаттау және ұлттардың бірлік мерекесі.

Осыған орай, 4 маусымда Қостанай ауылшаруашылық колледжінің студенттері, Нұр Отан партиясының Жас Отан жастар қанатының мүшелері, Қостанай ауданы бойынша тілдерді оқыту орталығымен бірлесе «Рәміздерім-мақтанышым» атты акция өткізді.

Қостанай ауылшаруашылық колледжінің  оқытушысы Балабаев Булат Қабланұлы құттықтау сөзін айтып, жастардың болашығы зор, еліміздің болашағы жастар деп, осы іс-шараны салтанатты түрде ашты.

Акцияның негізгі мақсаты, жастардың рәміздерге деген мақтанышын ояту, патриоттық сезімдерін күшейту.

Акцияға қатысушыларға В-13 тобының студенттері тамаша ән сыйлап:

Көк байрақта кеңдігім

Елтаңбамда елдігім!

Әнұранда өр рухым,

Тарихымда ерлігім!

Көк байрақта кеңдігім

Елтаңбамда елдігім!

Әнұранда өр рухым,

Бақыттымын мен бүгін,- деп, өз мақтаныштарын білдірді.

Жас қанат партиясының өкілдері акциялың соңында «Бір шаңырақ астында» атты флеш-моб өткізіп, Қазақстан еліміз – тәуелсіз, тату, егеменді, бай және т.б. деп, ортаға жар салды.

 

Қостанай ауданы бойынша Нұр Отан партиясының

Жас Отан жастар қанатының төрайымы                            Жабакова А.А.